Weihnachten is in 270 Doch!
Nächste Kerwa ist am 12.9.2024, also in genau 167 Doch!

Bauernregel Monat März:
Dem Golde gleich ist Märzenstaub, bringt uns Korn, Gras und Laub.
	


  K E R W A  2 0 0 5  




A heier is Mitte September wieder die Alterbernemer Kerwa.
De werd natirli wieder ordnungsgemäß gfeiert.



Damit´s wieder a scheener Umzug werd, werd scho seit einigen Wochn an die Kerwawägn für´n Umzug baut. - Zumindest baua einige vo die 17 Kerwaburschn, die mer heier bloß senn, jeden Omd oder zumindest regelmäßig. - Einige vo die Kerwaburschn hom si höchstens amol umgschaut.
Scho komisch, dass die Kerwaburschn die älter senn und jeden Doch of die Ärbert genna, Überstunden machen und na daham amol nu wos umbaua oder wo helfn müssn und so a nu einige Verpflichtungen hem öfter zum Baua kumma, wie die jüngern, die hamkumma, essen und na irgendwo am Weiher oder sonstwo rumlungern.
Of jeden Fall is es solche Leit, wie in Schnapsl-Meier, Salem und zum Teil in Backstein zu verdanken, dass heier überhaupt an Kerwaumzuch gibt.
Und dass überhaupt a Kerwa gibt is of jeden Fall in Schnapsl-Meier sei Verdienst, denn zur Kerwa brauchts nu a bissla mehr, wie bloß a bor Wägn zum Umzuch. Do is mer scho Wochn vorher am Leit nochlaafn, ob alles wieder so klor geht wie letztes Johr, oder ober neie Leit anheuern muss.


Wos mer alles zur Kerwa braucht:
(Die Liste ist nicht vollständig, die hab ich nebenbei aus dem Ärmel geschüttelt!)

  • An Weihnachten scho ufanga, die ganzn Versicherungsstadudn zu lesen
  • Kerwaversammlung
  • Wägen zum draufbauen vom Umzuch
  • Baumaterial für Umzuch
  • Bulldogfohrer für´s Birkenholen
  • Gutscheine & Freibier für Bulldogfahrer, Aufsteller & sonstige Helfer
  • Kerwazeitung
  • Musik für Freidochomd
  • Bulldogfohrer zum Bamholn
  • Leit zum Stanga bindn
  • Capo zum Bamaufstelln
  • Keile zum Bamaufstelln
  • Zeich zum Bamschmückn schneidn
  • Genehmigung & Schilder zum Strasssperrn
  • Versicherung für Bamaufstelln
  • Schaua dass Sunndoch frieh die Bulldäg abgholt wern kenna
  • Musik fürn Umzuch am Sunndoch
  • Zeich, um Bulldäg & Wägn zu schmücken
  • Klamotten für die Kerwasei & wos zum Trinken
  • Leit zum Bulldogholn am Sunndoch frieh
  • Organisiern, dass der Umzuch rechtzeitig ferti dosteht
  • Genehmigung & Schilder zum Strasssperrn
  • Versicherung für´n Umzuch
  • KALTES Bier für die Musik
  • Bulldogfohrer fürn Umzuch
  • Leit instruieren, dass die wichtigen Sachen nach Umzuch weggramt wern, damit nix klaut werd.
  • Nach Umzuch Aufräumen
  • Musik für´n Friehschoppn
  • Kerwasteier organisieren


Etz nu a klanner Aufruf an die Wertsleit (an alle in der Gegend):

  1. Seid doch so gut und behandelt die Kerwaburschn nit immer wie die letztn Kracher. Frali kunn an a Bsuffner schnell of die Nervn geh, ober immerhin hat er für den Rausch und sei Essen a Geld in eirer Kassa glassn.

  2. Zum annern wär des Wertshaus bei eich so leer wie an jedem Wochenend, wenn die Ortsburschn ka Kerwa of die Ba stelln tätn.

  3. Nachdem die meistn klennern Wertsheiser an Großteil vo ihrm Umsatz und a Gewinn an der Kerwa machn, die es ja nur wecher die Kerwaburschn gibt (siehe $2), kennt´er den Kerwaburschn lieber mol a Moß zuviel hiestelln, wie zweng.


  4. Wos immer wieder zu Spannungen führt is die Bar. A jeder wo schomol a Festla ausgricht hat mit am Verein, waaß, dass mit aner Bor a Geld verdient ist. Gwinn, nit Umsatz. Trotzdem werd mehr und mehr beschissn. Mer versucht am Bsuffna Wasser als Schnaps zu verkaffn, weil mer denkt, dass´ers nimmer merkt, oder mer verdünnt in Schnaps, oder a anerschtmol werd der gfälschte Bacardi (der billige Pinselreiniger) scho Wochen vorher in die großn Bacardiflaschn umgfüllt. Doch zum ana is des Betrug und nix annersch, wenn der Kunde an Bacardi-Cola bestellt und kricht na an Pinselreiniger aus der Bacardiflaschn. (Wenns do a Uzeich gibt, is der Ruf recht schnell ruiniert und des bloß, weil mer die 5€ wos Unterschied is zwischen Pinselreiniger und Bacardi a nu in sei Taschn steckn will. Und a wenns ka Uzeich gibt, spricht si sowos schnell rum...) Zum annern werd vom Pinselreiniger weniger trunkn, weil mers entweder Omd gleich schmeckt, dass mer an Fusel kricht hat statt an gscheitn weißn Rum und na wenger sauft oder spätestens am nächstn Doch merkt´mer am Kopfweh, dass mer Fusel gsuffn hat und kunn dann an dem Doch gorkann Schnaps mehr saufn.
    Also wenn ihr des eich mol gut überlecht, werd ihr Feststelln, dass des vom Geld kann Unterschied macht, ob ihr in billigen eikaaft und weniger verkaaft, oder ob ihr lieber Qualität eikaaft und eier Kunden zufriedenstellt. Wos ja eigentlich eier Ziel sei sollert.
    Für an echten Bacardi spricht a nu, dass die Leit a nit so schnell schlecht werd, d.h. es werd wenger gspiegn und zum anner kumma die Leit am nächstn Doch a wieder zum Essen und lassn a Geld do. Wenn´s an Pinselreiniger gsuffn hem, braungs 2 Doch nix mehr zum Essen.



So und ezt getz of die Kerwa.!

Die Kerwaburschn


weiter zum Freidoch >>