(Anmerkung der Redaktion)
Der harte Kern, der wo am massten säuft und eigentlich sein Schlof breichert, der geht natirli als letzter ins Bett.
Do bist um so korz nach halber fünfa mit´m Ochserfiesl aus der Wertschaft gebetn worn und hast di grod in dein Sachweiher neiglecht, na geht´s scho wieder los. Und do des aufsteh nach so an Toch nit leicht is, gibts bei uns zwa Varianten:
Die ruhige Variante: Wennst di ruhige Variante gwählt hast, dann klingelt, so wie bei mir, der Wecker. Na kunnst nu a bor Minuten pelzen, na dein Fuß zum Bett naushaltn, damit des Karussell uhält und anschließend kunnst aussteign und dich zur Erfrischung kurz in di Dusch stelln und schnell mol a Promill abwaschen. Na schlupft in di Klamotten nei, dei Tichla hast eh rum, weils nit roh kummt, und schlappst zum Busheisla nunter und weckst auf´m Wech a bor, welche die laute, schnelle Möglichkeit gwählt hom.
Die schnelle Variante: Do kumma drei bis vier bsuffn, klingeln bei dir an der Haustier. Wenn na die Mutter oder du selber aufmächst, na stürmers die Budn. Auf´n Wech zu deim Zimmer, packens schnell des Frühstück, wo am Tisch steht, ei und renna in dei Zimmer, wo´s riecht wi in anner Schnapsbrennerei. Ohne dass des Karussell ughaltn werd, werst aus´m Bett rausgrissen. Na schlupft in Klamotten, wo der anner hihält, schaust in Spiegel, obst dein Kopf dabei hast (der is ja mit´m Tichla am Hals festbundn), und schlappst di annern noch.
Entweder du bist beim nächsten Haus fitter und machst di Zermonie a mit und packst dir vom Frühstückstisch a wos ei oder du trabst wie a ferngsteiert zum Busheisla, legst di zu di anner Kameroden, di nunni fit senn und wartest, bis die ans weckt, weils weiter geht.
Etz wern na zunächst amol die zwa großn Birken beim Kriecherdenkmol aufgstellt, damit di wo am Kriecherdenkmol schlofn früh nu aweng an Schatten hem. Dann wern nu Blätter vo einer Eiche organisiert, falls des nit scho Freitoch passiert is und zu unserm Kranzbinder bracht. Na wern die Birken für´n Sängerwogn nu weng zrechtgschniedn und na hemmer uns eigentlich scho wieder a Vesper verdehnt. Kurz wos gvespert, na geht´s fort in Wald, in Kerwbam holn.
gib uns Schwung und gib uns Kraft!
Na dann Prost !
Trinkglas.zip (2,1 MB)
Kerwabamholen
 |
 |
|
|---|---|---|
 |
 |
|
 |
 |
|
 |
 |
|
 |
 |
|
 |
 |
|
 |
 |
|
 |
 |
|
 |
 |
|
 |
 |
|
 |
 |
|
 |
 |
|
 |
 |
Seitenanfang
Kerwabamaufstelln
 |
 |
|
|---|---|---|
 |
 |
|
 |
 |
|
 |
 |
|
 |
 |
|
 |
 |
Seitenanfang
